Tu âs cirût la peraule
monolengâl
torne indaûr

monolengâl

fâ bon loc.v.
Jessi viert a acetâ une propueste, un mût di fâ, une persone e v.i.
esemplis
"cualchi cjamp lui lu vendeve facil. Pluitost e scugnive doprâsi jê, siore Lise, par che no lu vessin imbroiât, che ancje une volte al veve fat bon a Jacum Cjaset e al jere restât tradît, e no le veve gran suiade cun pôc"
gjavât fûr di "Cjase di Dalban" di Maria Forte
"no si compuartave come chei tancj che, subit che une frute ur fâs bon, a scomencin a fevelâ gras e no tegnin lis mans a puest"
gjavât fûr di "Misure" di Meni Ucel
fâ bon loc.v.
Ricognossi che cdn. o alc al va ben par fâ une cierte funzion
esemplis
"lu vevin fat bon pal militâr"
gjavât fûr di "Chel moscjo dal gno von" di Alviero Negro
fâ bon loc.v.
Fâ che alc, soredut un proviodiment, al sedi ricognossût, che al vedi valôr, che al jentri in vore
sinonims
passâ, ratificâ, sanzionâ, validâ, votâ, aprovâ, fissâ, promulgâ
esemplis
"si sa che par implantâ cheste forme di democrazie si scuen jessi in pôcs: tancj di podê stâ ducj intun salon o intune place, indulà che alçant la man si puedi fâ buine une leç o sielzi un sorestant"
gjavât fûr di "...come che e diseve la gjate di Aquilee" di Josef Marchet
"la maiorance dai deputâts a an, dut câs, tignût dûr e la leç e je stade fate buine"
gjavât fûr di "La bataie no je finide" di Arnalt Baracêt
fâ bon loc.v.
Fâ che alc al sedi tignût in cont
esemplis
"il Signôr al ti farà bon il to sacrifici, e al ti perdonarà lis tôs mancjancis"
gjavât fûr di "Mariute" di Ercole Carletti
fâ bon loc.v.
[TS] (venat.) Dal cjan, mostrâ di vê cjatât il salvadi
esemplis
"ah! se tu lu viodès co voi a cjace / a lâ pai cjamps, pai boscs infuriât, / fin che al fâs bon di cuaie o gjalinace!"
gjavât fûr di "Il mio cjan" di Pieri Çorut
"il cjan al à tacât a fâ bon tor i bârs di zanevri che al sinteva alc"
gjavât fûr di "Sacrup" di Novella Cantarutti
torne sù